Lettre MCCCIII. Au Duc de Savoie, Charles-Emmanuel 1er

Indifférence de l'Evêque de Genève pour le choix de la ville où il doit prêcher.- Le bon plaisir de son souverain décidera entre Paris et Grenoble.

Annecy, 30 avril 1617.

Monseigneur,

J'ay receu maintenant le commandement que Vostre Altesse me fait de me preparer pour aller prescher l'Advent et Caresme suivant a Paris; et neanmoins, par lettres de M. le Baron de Marcieu , j'ay sceu que

Vostre Altesse m'avoit accordé pour le mesme Advent et Caresme a la cour du Parlement de Grenoble : qui me fait supplier tres humblement Vostre Altesse de me faire sçavoir auquel des deux lieux je m'attendray d'aller, m'estant, pour moy, chose asses indifferente, pourveu que, ou que je sois, ce soit selon le bon playsir de Vostre Altesse, a laquelle je suis, et a laquelle je souhaite toute sainte prosperité, comme doit,

Monseigneur,

Vostre tres humble, tres fidele et tres obeissant

orateur et serviteur,

FRANÇs, E. de Geneve.

Annessi, 30 avril 1617.