Lettre MCCCIV. À Madame de la Fléchère

La grâce d'un trépas. - Difficultés au sujet d'un mariage. - Une pénitente du Saint. - Messages et nouvelles.

Annecy, 30 avril 1617.

Il faut bien pourtant, ma tres chere Fille, vous respondre un mot. J'ay dit louange en mon cœur ( Ps 118, 164 ) a la Providence celeste sur le trespas de la pauvre Gavent ( note 26 ) ; ce luy a esté une grace speciale de partir de ce monde, puisqu'elle y courait tant de hasard de s'y perdre.

Vous aves fort bien traitté avec madame la Comtesse pour le cousin et pour moy. Certes, je ne pense pas que le cousin ne se soit fort bien comporté en cette occasion, ainsy quil en rendra bon compte si l'on veut. Pour moy, vous le sçavés ; mays il faut avoir un peu de patience. Le cousin auroit grand'envie de sçavoir si c'est Son Excellence qui a dit quil ne s'estoit pas voulu engager d'escrire a M. de Saint Damian pour ce mariage ; par ce que si c'estoit elle, il faudroit en parler plus reservement, quoy qu'il n'en soit rien. Si vous le pouvés sçavoir, vous le me pourres escrire, et je le mesnageray.

Hier nous fismes une bonne confession, Mme de Tornon et moy, et nous nous sommes rendus grans cousins, et croy qu'elle fera merveilles en la devotion.

Le P. Commissaire vous dira que je n'ay eu nul loysir de luy parler, sinon presque de M. le Prieur , pour un affaire quil a avec les exacteurs de la decime. Je salue infiniment madamoyselle de Beaufort, que je cheris parfaitement ; mays je n'ay pas du tems asses pour luy escrire.

Dieu soit a jamais au milieu de vostre cœur, pour le benir de ses plus cheres benedictions, ma tres chere Fille.

M. de Torens n'est pas icy. Nostre Mere ( SJC ) est toute malade de sa defluxion et a pris medecine.

Dieu vous benisse, ma tres chere Fille. Amen.

xxx avril 1617.

A Madame

Madame de la Flechere.

Revu sur une copie déclarée authentique, conservée à Turin, Archives de l'Etat.