Lettre MCDLXXXV. À Madame de Charmoisy

Le seul mot de consolation que puisse dire le Saint. - Comment apaiser les sanglots et soupirs.

Paris, novembre 1618.

Mon esprit ne peut cesser de penser en vous, ma tres chere Cousine, ma Fille, et ne voudrait faire autre chose que de vous parler en la façon qu'il peut, et ne sçait neanmoins que vous dire, estant, comme le vostre, encor tout estonné ; sinon, ma tres chere Fille, que le divin Espoux de nos ames veut que nous regardions tous nos evenemens dans le sein de sa celeste Providence et que nous jettions nos affections en l'eternité, ou nous nous reunirons tous pour ne jamais plus estre separés. O ma Fille, pourquoy nous sommes nous jamais asseurés et confiés en la vanité de cette vie perissable ? Nos pretentions sont au dela, ou il faut donq lancer nos affections.

En somme, vous voyla, ma tres chere Fille, au vray essay de la fidelité que vous deves a Dieu, auquel vous aves si souvent resigné toutes vos adventures. Ma tres chere Cousine, tenes vostre cœur en haut et mettes le sacré Crucifix sur vostre poitrine, affin qu'il accoyse vos sanglotz et souspirs. Soyes bien toute sienne et, croyes moy, il sera tout vostre.

Pour moy, je ne puis pas dire plus que jamais, mais s'il se pouvoit dire, certes, je dirois qu'inseparablement, plus que jamais, je suis

Tout vostre, sans condition ni reserve,

FRANçs. E. de Geneve.