Lettre MCDLXX. À Madame de Granieu

Ne pas craindre ,t'écrire souvent. - Le souhait du Saint pour l'âme de sa chère fille. - Espérance d'un revoir.

Annecy, 22 septembre 1618.

Vous faites certes tres charitablement, ma tres chere Fille, de m'escrire souvent, car en verité, vos lettres me consolent et recreent extremement, puis que Dieu a voulu que mon cœur soit si paternel qu'il ne se peut dire plus, pour vous, qui estes reciproquement ma fille tres desirable ( Ph 4, 1 ) es entrailles de nostre Sauveur. Faites donq tous-jours bien ainsy, escrives moy tous-jours quelques motz, et moy, quand je pourray, je vous rendray soigneusement la pareille.

Dieu est bon, ma tres chere Fille, et puis qu'il luy a pleu de vous donner le desir de son pur amour, il le rendra un jour parfait. C'est cela que souvent je luy demande pour vostre chere ame, ma Fille, laquelle j'ayme comme la mienne propre.

Je vous escris sans loysir et seulement pour respondre a vostre petit billet ; un 'autre fois que j'auray plus de commodité, je respondray a vos deux precedentes, et qui sçait si dans le moys prochain je passeray a Grenoble ? J'en ay certes quelqu'esperance : soit fait selon le bon playsir de Dieu. Je suis vostre.

F., E. de Geneve.

22 septembre 1618, Annessi.

Revu sur l'Autographe conservé à la Visitation de la Côte-Saint-André.