64. De nativitate Domini

Ies est laetitiae
f 4 in ortu regali,
nam processit hodie
ventre virginali
puer admirabilis,
vultu delectabilis
in humanitate,
qui est ineffabilis
et inaestimabilis
in divinitate.

Mater haec est filia,
pater hic est natus,
quis audivit talia?
Deus homo natus

servus est et dominus,
qui ubique comminus
nequit apprehendi,

praesens est et eminus,
stupor iste geminus,
nescit comprehendi.

Orto Dei filio
virgine de pura,

ut rosa de lilio,
stupescit natura,
quod parit iuvencula
natum ante saecula
creatorem rerum,
quod uber munditiae
lac dat pueritiae
antiquo dierum.

In obscuro nascitur
illustrator solis,
stabulo reponitur
princeps terrae molis,
fasciatur dextera,

qui affixit sidera,
dum caelo descendit,
concrepat vagitibus,
qui tonat in nubibus
dum caelos ascendit.

Vt vitium non laeditur
sole penetrante,
sic illaesa creditur

virgo post et ante,

O/53975397539753 LXV ZLOXDLESDLOSHLEXD

felix est puerpera,
cuius sacra viscera
Deum portaverunt,
et beata ubera

in aetate tenera
Christum lactaverunt.

Angelus pastoribus
iuxta suum gregem
nocte vigilantibus
natum caeli regem
nuntiat cum gaudio,
iacentem praesepio
infantem pannosum,
angelorum dominum
et prae natis hominum
forma speciosum.
Amen.