7. De recollectione cordis in silentio oris

Eremum meum mihi. Cum distractus fueris ex colloquiis longis ; recollige te iterum in longo silentio intus manendo in secreto solus: et gemendo pro commissis. Cito fit distractio cordis ex rebus visis et auditis : sed frequens oratio et interna compunctio expellit imagines noxias et curas superfluas. Qui nil commodi quaerit nec concupiscit in terris, et elongat se a tumultibus cunctis; potest cito libere volare ad Christum in caelis: sicut ait devotissima mater sancti Augustini in excessu mentis. Volemus inquit ad caelum fideles.