Lettre MCML. À la Mère de la Roche Supérieure de la Visitation d'Orléans

Grâces divines qui se transformeront en " merveilles pour le bien de la sainte Eglise. " - Un accueil plein d'honneur et de confiance sera fait à l'Evêque d'Orléans. - Encouragement à l'amour de la souffrance.

Annecy, 14 octobre 1622.

Dieu soit loüé, ma tres chere Fille, de tout ce que vous m'escrivites le 2 de septembre. A luy, loüange des graces qu'il fait a ce digne Prelat qui, les recevant avec reconnoissance et sans resistance, fera des merveilles pour le bien de la sainte Eglise. On m'a dit de divers endroitz qu'il passera icy, et je le recevray en la simplicité de mon cœur, selon nostre petitesse, avec la confiance que vous me dites que je luy doy tesmoigner; mais pourtant, je n'ay encor point de certaine asseurance de cet honneur. La cour ne manque pas d'occupations et de divertissemens.

A Dieu encor la loüange de l'exercice que sa providence vous donne par cette affliction de maladie, qui vous rendra sainte, moyennant sa sainte grace ; car, comme vous sçaves, vous ne seres jamais espouse de Jesus glorifié, que vous ne l'ayes premierement esté de Jesus crucifié, et ne jouires jamais du lit nuptial de son amour triomphant, que vous n'ayes senti l'amour affligeant du lit de sa sainte Croix. Ce pendant nous prierons Dieu qu'il soit tous-jours vostre force et vostre courage en la souffrance, comme vostre modestie, douceur et humilité en ses consolations.

Je salue cherement votre cœur et celuy de toutes nos Seurs,et suis tout a fait de plus en plus vostre, ma tres chere Fille.

FRANCs E. de Geneve

Annessi, le 14 octobre 1622