Lettre MCMLX. À Madame de Toulongeon

Heureuse rencontre avec la Mère de Chantal. - Délicats conseils, tact parfait et largeur d'esprit du saint Directeur. - La pensée de la mort mêlée aux félicitations de bonheur.

Lyon, 17 décembre 1622.

Allant en Avignon, Madame ma tres chere Fille, j'eus ce bonheur de treuver nostre bonne Mere icy, et l'y ay encor rencontree a mon retour . Vous croires aysement que ce n'a pas esté sans parler souvent de vous, non sans beaucoup de consolation que j'ay receuë de sçavoir que vous vivies tous-jours dans la crainte de Dieu, avec desir de faire progres en la devotion.

Vous sçaves, ma tres chere Fille, combien je suis aysé a contenter et combien j'ay de facilité a bien esperer des ames que j'affectionne : c'est des vostre enfance que j'ay une infinie passion pour vostre salut, et que j'ay conceu une grande confiance que Dieu vous tiendroit de sa main ( Ps 138,10 ), pourveu que vous voulies correspondre a ses faveurs. Faites le donq, je vous en conjure, ma tres chere Fille, et separés de jour a autre vostre cœur de toute sorte d'amusement de vanité. Comme vous sçaves, je ne suis nullement scrupuleux, et n'appelle pas amusement de vanité sinon la volontaire inclination que nous nourrissons aux choses qui veritablement nous divertissent des pensees et deliberations que nous devons avoir pour la tressainte eternité.

Cette chere Mere m'a raconté la consolation qu'elle a de vous voir avec un si digne mary , duquel vous estes parfaitement cherie. C'est un grand advantage pour vostre vertu, ma tres chere Fille; faites le bien proffiter, et quoy que vostre aage, vostre complexion et vostre santé vous promettent une longue vie, souvenes vous neanmoins qu'aussi pouves vous mourir bien tost, et que vous n'aures rien de plus desirable a la fin, que d'avoir mis un grand soin a recueillir et conserver les faveurs de la Bonté divine.

Cependant, je suis a jamais tout a fait, ma tres chere Fille,

Vostre tres humble et tres affectionné serviteur, et de monsieur vostre mary,

FRANçs, E. de Geneve.

A Lion, ce 17 decembre 1622.