Chapter 64

THe fyrst poynt is to loue but one alone
And for that one all other to forsake
For who so loueth many loueth none
The flode that is in many chanelles take
In eche of them shall feble stremes make
The loue that is deuyded amonge many
Unneth suffyseth that ony parte haue ony

So thou that hast thy loue set vnto god
In thy remembraunce this enprynt & graue
As he in souerayne dignyte is odde
So wyll he in loue no partynge felowes haue
Loue hym therfore with all that he the gaue
For body / sowle wytte / cōnynge / mynde & thought
Parte wyll he none but eyther all or nought