The seconde properte

Of his loue lo the syght and company
To the louer so glad and pleasaunt is
That who so hath the grace to come therby
He iudgeth hym in perfyte Ioye and blys
And who so of that company doth mysse
Lyue he in neuer so prosperous estate
He thynketh hym wretched and infortunate

So sholde the louer of god esteme that he
whiche all the pleasure hath / myrth and disporte
That in this worlde is possible to be
Yet tyll the tyme that he maye ones resorte
Unto that blyssed to ioyfull heuenly porte
Where he of god may haue the glorious syght
Is voyde of parfyte ioye and delyght