The thyrde properte

The thyrde poynt of a parfyte louer is
To make hym fresshe to se that all thynge bene
Apoynted well and nothynge set a mys
But all well fasshoned / propre / goodly / & clene
That in his parsone there be nothynge sene
In speche / apparayll / gesture / loke or pace
That may offende or mynysshe ony grace

So thou that wylte with god gete in to fauoure
Garnysshe thy selfe vp in as goodly wyse
As comely be as honest in behauoure
As hit is possyble for the to deuyse
I meane not hereby that thou sholdest aryse
And in the glasse vpon thy body prowle
But with fayre vertue to adourne thy […]oule