The.ix. properte

A very louer beleueth in his mynde
On whom so euer he hath his herte I bent
That in that persone men may nothynge fynde
But honorable worthy and excellent
And eke surmountynge farre in his entent
All other that he hath knowen by syght or name
And wolde that euery man sholde thynke the same

Of god lyke wyse so wonderfull and hye
All thynge esteme & iudge his louer ought
So reuerence worshyp honour & magnyfye
That all the creatures in this worlde I wrought
In comparyson sholde he set at nought
And glad be yf he myght the meane deuyse
That all the worlde wolde thynken in lyke wyse