The.xii. properte

A very louer wyll his loue obaye
His Ioye it is and all his appetyght
To payne hym selfe in all that euer he maye
That parsone in whom he set hathe his delyght
Dylygent to serue bothe day and nyght
For very loue / without ony regarde
To ony profyte gwerdon or rewarde

So thou lyke wyse that hast thyne herte I set
Upwarde to god so well thy selfe endeuere
So studyously that nothynge may the let
Not for his seruyce ony wyse disseuere
Frely loke eke thou serue that therto neuer
Trust of rewarde or profyte do the bynde
But onely faythfull herte & louynge mynde

wageles to serue.iij. thynges may vs moue
Fyrst yf the seruyce selfe be desyrable
Seconde yf they whom that we serue & loue
Be very good and very amyable
Thyrdely of reason be we seruysable
Without the gapynge after ony more
To suche as haue done moche for vs before

Serue god for loue then / not for hope of mede
What seruyce maye so desyrable be
As where all turneth to thyne owne spede
Who is so good so louely eke as he
Who hath all redy done so moche for the
As he that fyrst the made: and on the rode
Eft the redemed with his precyous blode