The.vii. properte

There is no page or seruaunt most or lest
That doth vpon his loue attende & wayte
There is no lytle worme no symple best
Ne none so small a tryfle or conceyte
Lase / gyrdell / poynt / or propre gloue strayte
But that yf to his loue hit haue ben nere
The louer hath hit precyous / leyfe / & dere

So euery relyque Image or pycture
That doth pertayne to goddes magnyfycence
The louer of god sholde wyth all besy cure
Haue hit in loue honoure and reuerence
And specyally gyue them preemynence
which dayly done his blessed body wyrche
The quyk relyques the mynystres of his chyrch