The.xi. properte

Dyuersly passyoned is the louers herte
Now plesaunt hope now drede and greuous fere
Now parfyte blysse now bytter sorowe smarte
And whether his loue be with hym or elles where
Oft from his eyen there falleth many a tere
For very Ioy / when they togyther be
Whan they be sondred: for aduersyte.

Lyke affeccyons feleth eke the brest
Of goddes louer in prayer and meditacyon
Whan that his loue lyketh in hym rest
With inwarde gladnes of pleasaunt cōtemplacyon
Out breke the teres for Igye and delectacyon
And whan his loue lyst efte to parte hym fro
Out breke the teres agayne for payne & woo