The.viii. properte

A very louer aboue all erthly thyng
Coueyteth and longeth euermore to here
Thonoure lawde commendacyon and praysyng
And euery thyng that may the fame clere
Of this loue / he may in no manere
Endure to here that ther[…]fro myghten vary
Or ony thyng sowne in to the contrary

The louer of god sholde coueyte in lyke wyse
To here his honoure worshyp laude and prayse
whose souereygne goodnes none herte may cōpryse
whom hell / erth / and all the heuen obayse
Whose parfyte louer ought by no maner wayes
To suffre the cursed wordes of blasphemy
Or ony thynge spoken of god vnreuerently