The fyft properte

Not onely a louer content is in his herte
But coueyteth eke and longeth to sustayne
Some laboure incommodite or smarte
Losse aduersyte / trouble / greyfe or payne
And of his sorowe Ioyfull is and fayne
And happy thynketh hym selfe that he may take
Some mysaduenture for his louers sake

Thus sholdest thou that louest god also
In thyne herte wysshe / coueyte and be glad
For hym to suffre trouble payne and woo
For whom yf thou be neuer so woo bestade
yet thou ne shalt susteyne (be not adrad)
Halfe the dolour gryefe and aduersyte
That he all redy suffred hath for the