Lettre CXLVIII. À un Inconnu

( MINUTE INÉDITE)

Le Saint s'estime heureux d'entrer en relation avec ce personnage et lui promet des documents historiques.

[Novembre 1601 .]

Monsieur,

Un mien ami demeurant a Lion m'a demandé quelques memoires sur les particularités de la revolte de Geneve, des conversions qui se font aupres et du tems auquel le P. Justinien en a esté Evesque. En quoy, bien que j'eusse desiré de le servir comm'en toute autre occasion, pour son respect, si est ce que la volonté m'en est beaucoup augmentee quand il m'a dit quil faysoit ceste recherche la pour vous. Car ayant pieça beaucoup honnoré vostre nom, sous lequel tant de beaux ouvrages, marqués d'une rare vertu et doctrine de leur autheur, paroissent aux yeux du monde, j'ay aussi des lhors fort souhaitté lhonneur d'estre en vostre connoissance; non que je cuyde y pouvoir entrer que pour fort peu de chose, mais parce que ça tous-jours esté une honneste ambition a ceux qui ont la vertu en reverence, de rechercher la bienveuillance de ceux qui en ont la possession. C'est pourquoy j'ay voulu vous envoyer immediatement ces advis pour prendr'occasion de vous demander la faveur de vos bonnes graces et vous offrir mon humble service, me promettant aysement d'estre gratiffié par vostre bonté.

Je vous prieray m'excuser si je ne vous envoye pas pour l'heure les memoires que vous desires au premier article, par ce que je suis en voyage et ne puis pas obtenir de ma souvenance tout ce que je luy en demande, avec l'asseurance des particulieres circonstances qui sont requises pour s'en bien servir. M.ays estant de retour au diocaese, qui sera dans peu de jours, j'en iray a la queste par tout ou je cuyderay en pouvoir rencontrer des pieces, et bientost apres je les vous envoyeray.

Mays touchant les conversions qui se font autour de Geneve……………………………

Revu sur l'Autographe appartenant à Mme Doroz, née d'Arcine, à Besançon.