Lettre DCXV. Au Duc de Nemours, Henri de Savoie

Recommandation en faveur du sieur Bouvard pour la charge d'avocat fiscal.

Annecy, 18 août 1610.

Monseigneur,

Puysque le sieur de la Valbonne est actuellement receu au Senat et que Vostre Excellence a gratifié le sieur Arpeaud de la judicature de Genevois , je la supplie tres humblement de favoriser le sieur Bouvard de l'estat de son advocat fiscal ), l'asseurant en toute verité que la recommandation que ci devant j'ay faitte de la personne et merites d'iceluy, se treuvera moindre que le sujet ne requeroit, et qu' ………..de Vostre Excellence………….. . . ne sçauroit faire un choix plus utile a son service que celuy de cet homme là, vertueux, sçavant, laborieux et nourri es lettres par la grace de Vostre Excellence.

Je prie Nostre Seigneur quil vous prospere, Monseigneur, et comble Vostre Grandeur de ses benedictions. Ce pendant, je vivray heureux d'estre,

De Vostre Excellence,

Tres humble et -tres-obeissant orateur et serviteur,

FRANÇs, E. de Geneve.

XVIII aoust 1610, a Neci.

A Son Excellence.

Revu sur l'Autographe appartenant à la famille Berthet, à Annecy.