Lettre DCXVII. À la Mère de Chantal

Hésitations à faire venir en Savoie le P. de Monchy. - Souhait du Saint pour Mme de Chantal.

Annecy, 4 ou 5 septembre 1610 .

Ma tres chere Seur, ma Fille,

Ce bon hermite , venu de la part du P. de Monchi (notes 44 et 401), me dit hier au soir que si ledit P. de Monchi venoit, il reviendroit aussi avec luy, par ce qu'il s'estoit mis sous son obeissance et l'avait pris pour Superieur. Cela, ma chere Fille, me tient encor plus en opinion de differer encor un peu a le faire venir, en luy parlant neanmoins en sorte que s'il vouloit venir, il n'en fut pas du tout forclos ; car, pour parler entre nous deux, sil vient sur ma parole, il me sommera de le si bien accommoder que j'en auray bien de la peyne, ce quil ne feroit pas sil venoit d'autre façon ; car le bonhomme va selon son esprit, et je ne desire point de luy donner aucun sujet de plainte.

Mais dites moy vostre advis sur cela, ma tres chere Fille, a laquelle je souhaite incessamment un parfait engloutissement en l'amour tres pur de Nostre Seigneur, auquel soit honneur et gloire (Rm 16,27).

Bonjour, ma tres chereFille, ma Seur. Nostre Baron a peyne. de penser au retour, mais il me semble tousjours qu'il l'y faut disposer.

Revu sur l'Autographe conservé à la Visitation de San Remo (Italie).