Lettre MDCCXVI. À une Religieuse de l'Abbaye de Sainte-Catherine

On peut dire son mal, mais il ne faut pas s'en plaindre.- Un coup d'œil sur la Jérusalem céleste.

Annecy, fin octobre [1620 ou 1621 .]

O ma chere Fille, puisque la cessation de vostr'exercice ne vous donne aucun allegement, vous pourries le reprendre, mais tout bellement, n'y employant que demy heure a la fois . Il est vray, sans doute, l'humilité, la patience, l'amour de Celuy qui nous donne la croix, requierent que nous la recevions sans en faire des plaintes ; mais voyes vous, ma tres chere Fille, il y a difference entre dire son mal et s'en plaindre. On le peut donq dire, ains, en beaucoup d'occasions on est obligé de le dire, comme on est obligé d'y remedier ; mais cela se doit faire paysiblement, sans l'aggrandir par paroles ni plaintes. C'est cela que dit la Mere Therese ( Chem.de la Perfect. 11 ); car se plaindre, ce n'est pas dire son mal, mais le dire avec des lamentations, doleances et tesmoignages de beaucoup d'affliction. Dites le donq naïfvement et veritablement, sans nul scrupule mais que ce soit en sorte que vous ne tesmoignies point de ne vouloir pas y acquiescer doucement, car aussi faut-il y acquiescer de tres:bon cœur.

Passes bien devotement ces saintes festes ; voyes bien ces belles ruës de la Hierusalem celeste, ou tant de bienheureux Saintz, resident et ou tous jubilent autour de leur grand Roy et en l'amour de Dieu, [lequel,] comme une celeste source vive, respand de toutes partz ses eaux qui arrousent ces glorieuses ames et les font fleurir, chacune selon ses conditions, d'une beauté incomprehensible. " Que la soyent nos cœurs, " ma Fille, " ou sont ces vrays " et desirables playsirs ( 4 e Dim apr.Pentec. )..

VIVE JESUS ! N'est ce pas nostre mot de guet ? Non, rien n'entrera dans nos cœurs qui ne die en verité : VIVE JESUS ! Il sçait, ce doux Sauveur, que je suis en verité tout vostre.

FRANçs, E. de Geneve.