Lettre MDCCXVIII. Au Duc de Savoie, Charles-Emmanuel 1er

Témoignage de la fidélité et du mérite du collatéral Flocard.

Annecy, 2 novembre 1620.

Monseigneur,

Je ne doute nullement que Vostre Altesse Serenissime ne sache qui est le sieur collateral Flocard , qui aura lhonneur de luy presenter cet escrit. Mays je ne laisseray pas de rendre ce veritable tesmoignage pour luy, qu'en toutes les occurrences esquelles il a esté employé au service de Vostre Altesse, il a rendu toutes les preuves qu'on sçauroit desirer, de probité, fidelité et constance, comm'un vray et tres asseuré sujet doit faire ; qui me fait tres humblement supplier Vostre Altesse de le vouloir gratifier de son bon œil. Et prie Dieu qu'il la conserve et protege de ses plus saintes faveurs a longues annees, qui suis,

Monseigneur,

Vostre tres humble, tres fidele et tres obeissant orateur et serviteur,

FRANçs, E. de Geneve.

II novembre 1620, Annessi.

Revu sur l'Autographe conservé à Turin, Archives de l'Etat.