Lettre MDCCXXXI. À Madame de Granieu

Les matériaux des bâtiments célestes " au quartier des hommes. " - Ce que les Anges pourraient nous envier. - Transformer l'infirmité en oraison.- Comment Notre-Seigneur nous fait souvent le plus de bien. - Un cœur faible et assoupi, mais non point infidèle.

Annecy, 24 novembre 1620.

Or sus, ma tres chere Fille, vous voyla tous-jours aupres de la Croix, parmi les tribulations, en la maladie de monsieur vostre cher mary. O que ces pierres qui semblent si dures sont pretieuses ! Tous les palais de la Hierusalem celeste, si brillans, si beaux, si aymables, sont faitz de ces materiaux, au moins au quartier des hommes ; car en celuy des Anges les bastimens sont d'autre sorte, mais aussi ne sont ilz pas si excellens. Et si l'envie pouvoit regner au royaume de l'amour eternel, les Anges envieroyent aux hommes deux excellences qui consistent en deux souffrances : l'une est celle que Nostre Seigneur a enduree en la croix pour nous, et non pour eux, du moins si entierement ; l'autre est celle que les hommes endurent pour Nostre Seigneur : la souffrance de Dieu pour l'homme, la souffrance de l'homme pour Dieu.

Ma chere Fille, si vous ne faites pas des grandes oraysons parmi vos infirmités et celles de monsieur vostre mary, faites que vostre infirmité soit une orayson elle mesme, en l'offrant a Celuy qui a tant aymé nos infirmités, qu'au jour de ses noces et

de la res-jouissance de son cœur, comme dit l'Amante sacree ( Ct 3, ult ), il s'en couronna et glorifia : faites ainsy.

Ne vous assujettissés pas a un mesme confesseur, tandis que, pour gaigner tems, il sera requis d'aller au premier rencontre.

Je suis marry que madame de N. soit ainsy incommodee ; mais puisqu'elle ayme Dieu, tout luy reviendra a bonheur ( Rm 8,28 ). Il faut laisser a nostre doux Seigneur la tres aymable disposition, par laquelle il nous fait souvent plus de bien par les travaux et afflictions que par le bonheur et consolation.

Ma tres chere Fille, ne me dites pas tant [de mal] de vostre cœur, car je l'ayme tant que je ne veux point qu'on parle ainsy. Il n'est pas infidele, ma tres chere Fille, mays il est un peu foible quelquefois, et un peu assoupi. Au reste, il veut estre tout a Dieu, je le sçai bien, et aspire a la perfection de l'amour celeste. Dieu donq le benisse a jamais, ce cœur de ma tres chere Fille, et luy face la grace d'estre de plus en plus humble.

Dieu soit beni.

FRANÇs, E. de Geneve.

Le 24 novembre 1620.