Lettre MDCCXXXIV. Au Président Jean-Georges Crespin ( Note 150 )

(INÉDITE)

François de Sales assure le destinataire de son souvenir et de son dévouement. - Ermite qui saura bientôt toutes les nouvelles de la cour.

Annecy, 9 décembre 1620.

Monsieur,

Je prise trop l'honneur de vivre en vostre souvenance, pour laisser partir monsieur de Barraux sans luy donner ces quatre motz de tesmoignage de celle que j'ay de vous, laquelle est tous-jours accompaignee d'un extreme desir de vous rendre service, si mon bonheur m'en laissoit arriver quelqu'occasion. Car, de vous dire des nouvelles, ce seroit hors de propos, puisque le porteur en sçait bien plus que moy, qui, presque aussi solitaire qu'un hermite et plus esloigné des affaires du monde que plusieurs hermites, ne sçai rien de tout cela que ce qu'on ne peut ignorer. Mon frere .Monsieur de Chalcedoine sera icy dans dix jours, ainsy qu'il m'escrit , et lors il me sera force d'apprendre toutes celles qui courent en nostre cour, ou je ne pense point d'aller qu'apres Pasques .

Et ce pendant, Monsieur, je vous supplie tres humblement de cooperer a l'inclination que Monseigneur de Montpellier a de m'aymer, et de continuer a me croire, comme je suis,

Monsieur,

Vostre tres humble serviteur,

FRANçs, E. de Geneve.

IX decembre 1620, Annessi.

A Monsieur le President Crespin.

Revu sur une ancienne copie conservée à la Visitation de Turin.