Lettre DCCCXLIII. Au Duc de Bellegarde

(MINUTE INÉDITE)

Gratitude et humilité du Saint.

Annecy, [fin 1612-mars 1613 ]

Monsieur,

Lhonneur qu'il vous a pleu de me faire en m'escrivant, m'estonne egalement par sa grandeur et me ravit par sa douceur. Je l'appellerois excessif, si je considerois seulement l'indignité de celuy qui le reçoit ; mais je voy bien que la source d'ou il procede, Monsieur, ne permet pas que l'on puisse nommer ainsy cette faveur, quoy qu'elle excelle au dessus de toutes autres, puis que vous me favorisés selon ce que vous estes, Monsieur, et non selon ce que je suis, qui certes ne suis rien, sinon en l'affection avec laquelle je revere Vostre Grandeur, pour la prosperité de laquelle je respans plusieurs bons souhaitz devant ce grand Dieu du Ciel, qui gratifie volontier les grans de la terre qui gratifient les petitz et qui leur sont doux, gracieux,et favorables ainsy que vous m'estes, Monsieur, et que je vous supplie de m'estre tous-jours ; me regardant comme

Vostre tres obligé, tres affectionné et tres obeissant serviteur.

Revu sur l'Autographe appartenant à M. Defrance, à Villers-devant-Orval (Belgique).