Lettre CMLXXXI. Au Roi de France, Louis Xiii

Actions de grâces pour une gratification accordée aux églises du pays de Gex,

Annecy, 31 juillet 1614.

Sire,

Les Catholiques de Gex et moy avons receu les trois cens escus d'aumosne que Vostre Majesté a donnés pour la reparation des eglises (letre 970), avec une tres humble reverence et action de graces, non seulement parce que les faveurs qui proviennent de si haut lieu sont tous-jours de grande estime, mais aussi parce que ce sont comme des arrhes de plus grans bienfaitz pour l'avenir; dont nous en esperons que la royale bonté de Vostre Majesté regardera de son œil propice la misere a laquelle l'heresie a reduit ce pauvre balliage, pour respandre a son secours les graces et assistances qui luy peuvent servir de remede.

Ainsy Dieu soit a jamais le protecteur de Vostre Majesté, Sire, pour la combler des saintes benedictions que luy souhaitte

Vostre tres humble et tres obeissant orateur et serviteur,

FRANçs, E. de Geneve.

31 julliet 1614, a Nessi.