Lettre CMLXXXIV. Au Comte Prosper-Marc de Tournon

François de Sales s'abstient prudemment de fréquenter le duc de Nemours, alors à Annecy. - La réimpression en petit format de l'Introduction à la Vie devote engage l'auteur à préparer une nouvelle édition. - Affaires de MM. du Noyret et de Portes.

Annecy, 3 août 1614.

Monsieur,

J'ay donné en main propre de Monseigneur le Duc de Nemours les deux lettres que vous m'avies addressee (sic), comme je feray tous-jours fort exactement tout ce qui sera de vos volontés et en mon pouvoir.

Au demeurant, je suis icy aupres de ce Prince comme n'y estant point, dautant que la multitude des affaires que cette levee d'armees luy donne m'empesche de pouvoir si souvent joüir de lhonneur de sa presence, comme peut estre je ferois en un 'autre sayson ; laissant a part le viel enseignement : La place d'un Evêque, c'est d'être dans sa bergerie et non à la cour. Si vous venes asses tost pour le treuver icy, vous verres que je ne brusle point mes ayslerons a ce flambeau.

Je ne nie pas, certes, que le favorable tesmoignage que vous rendes a ce pauvre petit livret de l'Introduction ne m'ayt grandement encouragé, et plus en verité que celuy de plusieurs grans personnages qui, sans me connoistre, me l'ont beaucoup recommandé par lettres. Je le revoy maintenant, par ce qu'on le reimprime en petit volume , et j'y treuve infinité de fautes, partie de l'imprimeur, partie de l'autheur, que je corrige tendrement, ne voulant pas, sil se peut, qu'on connoisse sensiblement autre changement que celuy de la correction de l'imprimeur.

Monsieur du Noyeret a esté grandement consolé d'avoir sceu, selon vostre desir, la souvenance que vous aves eüe de luy en m'escrivant. Je suis apres a demesler le reste de son affaire , dont je ne puys venir a chef, ayant deux rudes parties au Conseil secret de Sa Grandeur .

Ces bonnes Dames de la Visitation escrivent a madame ma cousine , d'une petite ambition qui leur est venue, en laquelle pourtant elles regardent a la gloire de Nostre Seigneur . Pour moy, quant a present, je n'en ay point de plus grande que d'estre fortement avoüé de vous,

Monsieur, et d'elle,

Tres humble, tres affectionné serviteur,

FRANçs, E. de Geneve.

M. des Portes a vostre lettre, et le contentement d'avoir plus heureusement terminé son affaire quil ne pensait.

3 aoust 1614.

A Monsieur

Monsieur le Comte de Tornon,

Revu sur l'Autographe appartenant à Mme la marquise Pensa, à Turin.