Capitulum 4

De miraculo abbatis Abrahœ facto in uberibus mulieris.

QUID etiam referam gesta abbatis Abrahæ, qui propter simplicitatem et innocentiam morum suorum simplex cognominatur? Qui quum tempore Quinquagesimæ perrexisset causa metendi ad Ægyptum, et precibus lacrimisque fuisset arctatus a muliere bajulante infantulum suum ex inopia lactis jam tabidum et semidefunctum, dedit ei calicem aquæ potandum impresso crucis signaculo, cujus haustu arida feminæ ubera confestim redundare cœperunt mirum in modum copia lactis.