Lettre DCVII. À Monseigneur Pierre Fenouillet Évêque de Montpellier

(INEDITB)

Le trépas du " grand Roy " - Regrets. – " Le jeune et nouveau Roy. " - . Le vrai rendez-vous de nos " cogitations. " - Une charge obtenue " sans brigue, sans cour et sans argent. "

Annecy, 24 juin 1610

Monseigneur,

Entre plusieurs considerations qui m'ont rendu de l'ennuy sur le trespas du grand Roy que la France, avec le monde, vient de perdre, j'ay receu celle de la perte que vous y aves faite ; car il vous aymoit et avoit une grande connoissance des raysons pour lesquelles il vous pouvoit encor aymer davantage. Mais il faut adorer la Providence souveraine et benir ses decretz. C'est a elle que je recommande de tout mon cœur le jeune et nouveau Roy et tout ce grand royaume.

Je me prometz de vos nouvelles de rechef, au passage que vous feres a Lion, allant a la cour . Mon Dieu, que nostre grand amy (Antoine des Hayes) aura esté touché rudement de ce coup ! car son merite ne treuvera peut estre pas des yeux qui le regardent clairement, comme faisoyent les yeux de ce digne Monarque. Mays revenons tous-jours a cette Providence, car c'est le vray rendes vous de nos cogitations.

Nous sommes icy sans nouvelles. M. nostre cher President (Antoine Favre.)) s'en va pour presider a toute la justice de Savoye, plus glorieusement qu'on n'a pas fait il y a quelque tems ; car il a cet honneur sans brigue, sans cour et sans argent, n'ayant point eu d'autre intercession que ses merites, quoy que Monseigneur de Nemours ayt contribué sa recommandation a l'inclination de Son Altesse.

Dieu vous prospere de plus en plus, Monseigneur, et je suis sans fin.

Vostre tres humble frere

et tres affectionné serviteur,

FRANÇs, E. de Geneve.

Jour de saint Jean 1610, Annessy.

Revu sur une copie déclarée authentique, conservée à la Visitation de Montpellier.