Lettre MDCLIII. Au Marquis Sigismond de Lans

(MINUTE INÉDITE)

Une adresse erronée. - Nouvelle nomination faite par le marquis de Lans.

Annecy, 29 ou 30 mai 1620 .

Ce porteur mesme me remit une lettre de Vostre Excellence, addressee a monsieur de la Feuge, colomnel de la ville d'Annessi ; et j'ay eu peine a me resoudre si je la luy envoyerois, puisque il y a long tems quil n'est plus colomnel de cette ville, monsieur de Villette l'ayant esté l'annee passee, et mon frere le Chevalier l'estant celle ci, lequel, n'estant pas a present icy, j'eusse adverti promptement d'y venir, si ce n'eut esté que, par un bruit commun, j'ay sceu que Vostre Excellence avoit donné tout le commandement et du chasteau de cette ville et des compaignies de la ville mesme a monsieur de Monthouz , en sorte que mondit frere ne semble y avoir plus rien a faire. Et neanmoins, pour ne point faillir, j'ay envoyé ladite lettre des ce matin, desireux que je seray tous-jours d'honnorer les volontés de Vostre Excellence, a laquelle souhaitant de plus en plus toute sainte prosperité, Monsieur, je demeure, etc.

Revu sur l'Autographe appartenant à MM. Grosset, à Genève.