Lettre CMLIV. À la Même
Un triduum de prières. - Souhait d'unité .
Annecy, [vers le 20] janvier 1614 .
Voyla donq, ma tres chere Mere, ma Fille, les Pseaumes; vous en pourres prendre, ou les troys derniers pour tous les trois jours, ou varier de trois en trois pour chasque jour.
Cependant, quel contentement a ma pauvre ame de vous saluer encor un peu par cett'occasion ! vous, dis-je, ma tres chere Mere, que mon ame cherit comm'elle mesme. Dieu soit a jamais l'unique ame de nostre unique vie et l'unique vie de nostr'uniqu'ame.
Revu sur l'Autographe appartenant à Mme Revel de Mouxy, à Brest.
cmliv bis (lettre MMXXXIV du volume XXI reclassée ) (1)
AU BARON PROSPER DE ROCHEFORT
La douleur d'un père sur la perte de son fils, mesurée '1 son amour. Heureux ceux qui échappent il ce siècle! - Manière vraiment chrétienne de parler de la mort. - Nos amis d'ici-bas et ceux de là-haut. - Demander son secours à Notre-Seigneur crucifié.
Annecy, 20 janvier 1614(2).
Monsieur,
Me representant le sentiment que vous aves eu de monsieur vostre fiIz par le ressentiment que j'en ay eu, je m'imagine qu'il a esté extreme ; car c'est la verite que me resouvenant du contentement que vous preniés a me parler l'autre jour de cet enfant, j'entray en une grande compassion quand je me representay combien vostre regret seroit douloureux a la nouvelle de son deces ; mais je n'osay pourtant vous tesmoigner ma condoleance, ne sachant pas ni que la perte fust certaine, ni qu'elle vous eust esté annoncée.
Et maintenant, Monsieur, je viens trop tard pour contribuer de la consolation a vostre cœur, lequel aura, je m'asseure, des-ja receu beaucoup de soulagement, pour ne plus demeurer au regret qu'une si sensible affliction luy avoit donné ; car vous aures bien sceu considerer que ce cher enfant estoit a Dieu plus qu'a vous, qui ne l'avies qu'en prest de cette souveraine liberalité. Que si sa providence a jugé qu'il estoit tems de le retirer a soy, il faut croire qu'elle l'a fait en faveur de son bien, auquel un pere bien cherissant comme vous, doit acquiescer doucement. Nostre siecle n'est pas si aggreable, que ceux qui en eschappent doivent estre beaucoup lamentés ; ce filz, pour luy, a, ce me semble, beaucoup gaigné d'en sortir avant presque d'y estre bonnement arrivé.
Le mot de mort est espouvantable, ainsy qu'on nous le propose, car on nous vient dire : Vostre cher pere est mort ; et : Vostre filz est mort. Et ce n'est pas bien parler entre nous autres Chrestiens, car il faudrait dire : Vostre filz, ou vostre pere s'est retiré en son païs et au vostre ; et parce qu'il le faillait, il est passé par la mort, en laquelle il n'a point arresté. Je ne sçai pas, certes, comme nous pouvons en bon jugement estimer nostre patrie ce monde, auquel nous ne sommes que pour si peu, en comparayson du Ciel, auquel nous devons estre eternellement. Nous nous en allons, et sommes plus asseurés de la presence de nos chers amis qui sont la haut, que de ceux qui sont icy bas : car ceux la nous attendent, et nous allons vers eux ; ceux cy nous laissent aller et retarderont le plus qu'ilz pourront apres nous, et s'ilz vont comme nous, c'est contre leur gré.
Que si quelque reste de tristesse pousse (3) encor vostre esprit pour le depart de cette douce ame, jettés vostre cœur devant Nostre Seigneur crucifié et demandes luy secours. Il vous le donnera, et vous inspirera la pensee et le ferme propos de vous bien preparer pour faire a vostre tour, a l'heure qu'il a marquee, cet espouvantable passage, en sorte que vous arrivies heureusement au lieu ou nous devons esperer estre des-ja logé nostre pauvre, ains bienheureux defunct.
Monsieur, si je suis exaucé en mes continuelz souhaitz, vous seres comblé de toute sainte prosperité; car c'est de tout mon cœur que je cheris et honnore le vostre, et qu'en cette occasion et en toute autre, je me nomme et dedie,
Monsieur,
Vostre plus humble, tres obeissant serviteur,
FRANçs, E. de Geneve.
20 janvier 1614
(1) Lettre découverte tardivement et reclassée à la date voulue
(2) De fausses conjectures avaient fait d'abord déplacer cette lettre, mais en l'étudiant de nouveau on a dû se convaincre qu'il n'y a pas de raison suffisante pour contester la date de 1614 donnée par les précédentes éditions. L'enfant dont le Saint déplore ici la perte pourrait bien être Prosper, fils de Prosper de Menthon-Rochefort (L9, note 303) et de Philiberte-Emmanuelle de Genève, sa première femme ; il mourut à Turin, page du duc de Savoie. Remarquons, en effet, que le texte indique que le décès s'est produit loin du père, et que le défunt, bien que tout jeune encore, est cependant appelè : " monsieur vostre filz. "
(3) Ne faudrait-il pas lire presse ?
Chapter 81 of 209