Lettre CMLXIII. À la Mère de Chantal

Le texte des Litanies de saint Joseph, revu, corrigé et accentué par le Fondateur de la Visitation.

Annecy, 19 mars 1614.

Ma tres chere Fille,

Voyla les Litanies du glorieux Pere de nostre Vie et de nostre Amour . Je croyois de vous les envoyer escrittes de ma main ; mais, comme vous sçavés, je ne suis pas a moy. J'ay neanmoins pris le loysir de les revoir, de les corriger et d'y mettre les accens, affin que nostre fille de Chastel ayt plus de facilité a les chanter sans y faire des fautes.

Mais vous, ma Fille, qui ne pourrés pas chanter les louanges de ce Saint de nostre cœur, vous les ruminerés, comme l'Espouse, entre vos dens ( Ct 7,9 ; TAD liv 6, ch 2 ); c'est a dire, que vostre bouche estant close, vostre cœur sera ouvert a la meditation des grandeurs de cet Espoux de la Reyne de tout le monde, nommé Pere de Jesus ( Lc 2,48 ), et son premier adorateur apres sa divine Espouse .

Revu sur un ancien Ms. de l'Année Sainte de

la Visitation, conservé au 1er Monastère d'Annecy.