Lettre CMLIX. À M. Claude de Blonay

Affaires d'argent. - Reconnaissance du Saint pour un service que lui a rendu Mgr Gribaldi. - Nouvelles et messages.

Annecy, 8 février 1614.

Monsieur,

J'ay fait delivrer au sieur curé de Massongier , present porteur, le reste de l'argent que mes freres et moy devions a Monseigneur l'Archevesque mon pere , pour celuy quil avoit fait delivrer a Paris pour nous .

Or, je vous supplie de prendre la peyne de le conter et donner, et de retirer nostre obligation pour la nous renvoyer a la premiere bonne commodité, avec le solvit.

Item, de bien faire mes excuses s'il y a eü quelque sorte de manquement au tems, et de luy bien faire sentir combien je me sens obligé a sa faveur. Je sçay que je ne pourray jamais luy rendre aucun service de l'espece de ce bon office quil m'a fait (aussi bien saint Paul dit ( 2 Co 12,14 ) que les enfans ne doivent pas thesaurizer pour les peres, ouy bien les peres pour les enfans ; mais si en quelque nature de service, et en celuy ci encor, je pouvois me revancher, je le ferois tres affectionnement.

Nous avons icy monsieur vostre Prieur avec lequel nous avons des aujourdhuy fait une bonne conference . Nous en ferons une a part, monsieur l'Abbé et moy, et puis nous conclurons, et je pense que vous aures du contentement. J'escris au bon monsieur l'advocat de Blonnay suivant la resolution prise l'autre jour ( voir plus loin ). On m'a dit que la bonne Mme du Foug estoit malade ; a vostre premiere commodité, je vous prie de m'en faire sçavoir quelque chose, car j'en suis en peyne, et prie Dieu quil la benisse et nous aussi. Je suys, Monsieur,

Vostre plus humble confrere,

FRANÇs, E. de Geneve.

VIII febvrier 1614.

A Monsieur

[Monsieur ] de Blonnay.

A St Paul.

Je n'ay pas escrit la lettre a monsieur l'advocat, mentionnee en la presente .

Revu sur l'Autographe conservé au château de Marin (Chablais), Archives de Blonay.