2. De firmo proposito servando per diem

ON mane proponendum est: qua- BNEZZA liter praesens dies utilius expendatur. Contra vitia quae magis infestant: diligentiorem adhibe curam. Cotidiana exercitatio, gratiae meretur augmentum: et perseverantia boni, ad virtutis culmen ducit agentem. Forte ultima dies ista; forte novissima hora: forte cras te non inveniet. Custodi propositum, tempus neglegere noli: non redit hora transacta. Certa bonum certamen; ora pro gratia: et dabitur tibi de caelo victoria sancta. Stude minora vincere: ne ad deteriora labaris ignavia praevalente.

Semper lex Dei in corde tuo versetur: gratiarum actio et vox laudis ab ore tuo so QXS3 LIBELLVS SPIRITVALIS EXERCITII — Zex$ non tepescat. Omne tempus cum Deo non expensum: plange velut amissum. Cave otiosos texere sermones: et inutiles circuitus devita per aedes. Stet in ostio cellae pro signo notabile breve; quod te praemoneat exeuntem: et redarguat diu tardantem. Periculum tuum inter homines multos. Orto iam die benedic Creatorem caeli et terrae; qui tibi adhuc spatium bene vivendi concessit: et solem suum pro variis usibus super te fecit oriri. Christus vivere tibi sit: et cuncta opera tua ad Christi dirige laudem. Ipse spes tua tota iset praemium aeternale quod expectas: gratiam autem humanam non quaeras nec affectes. Si non vis decipi: noli laudibus stultis delectari. Novit Deus cor tuum: quam impurum sit et vanum. Ne credas adulanti; sed potius increpantem ausculta: qui bene consulit dum tua corripit errata. Habeas semper ad manum orationis usum: contra omnia adversantia invincibile scutum.