Lettre MDCCCXVIII. À Madame le Loup de Montfan

Le grand défaut que peut avoir l'amour, hors celui de Dieu. - " Passeport" et" excuse" de l'excès dans la tendresse des mères. - Douce réprimande.

Annecy, 4 août 1621.

Madame,

Je vous honnore, et madame vostre fille , tres parfaitement, et voudrois bien contribuer tout ce qui seroit en moy pour vostre. contentement reciproque. A elle, s'il plaist a Dieu, j'en diray mon opinion a part ; mais a vous, je le dis maintenant, me promettant que vostre bon courage le prendra en bonne part.

Madame, l'amour, quel qu'il soit, si ce n'est celuy de Dieu, peut estre trop grand, et quand il est trop grand il est dangereux. Il passionne l'ame, parce qu'estant une passion et la maistresse des passions, il agite et trouble l'esprit ; parce que c'est une perturbation, et treuvant des regles, il desregle toute l'economie de nos affections. Or ne faut il pas croire, Madame, que l'amour des meres envers les enfans ne puisse estre de mesme ; ains, il l'est d'autant plus librement qu'il semble qu'il le soit loysiblement, avec le passeport, ce semble, de l'inclination naturelle, et l'excuse de la bonté du cœur des meres.

Nous parlons asses souvent de vous, le bon Pere [Bonaventure ] et moy, et nous en parlons avec respect et dilection. Neanmoins, vous me pardonneres, s'il vous plaist ; mais quand il me raconte les eslans et presseures de vostre cœur sur la maladie de madame de [Dalet], je ne me puis tenir de dire qu'il y avoit de l'exces. Or sus, mais si vous treuves que je die trop librement ma pensee et que j'aye tort, quel moyen y auroit il de m'excuser ? Et toutefois je ne desire nullement de rien perdre de vostre bienveuillance, car je l'estime trop, et prise infiniment le cœur dont elle vient et l'esprit de son origine. Et en somme, je veux dire en un mot, que vous aves tant de puissance a mouvoir les cœurs, que le mien ayant sceu les traitz de vostre esprit, en estant tout espris, vous n'aves pas besoin d'estre aydee pour mouvoir celuy de madame de [Dalet] a tout ce qu'il vous plaira ; m'asseurant qu'apres les forces de l'Esprit de Dieu, auquel il faut que tout cede, les vostres seront en toutes occurrences les plus grandes.

Vives a Dieu, Madame, et a la tressainte Trinité, en laquelle je suis

Vostre tres humble serviteur,

FRANçs, E. de Geneve.

Annessi, jour de Saint Dominique, 1621.