Lettre MDCCCXXIII. À la Présidente de Sautereau
Souvenir fidèle et reconnaissant. - Grand avantage des afflictions.
Annecy, 30 août 1621.
Madame,
Je continueray toute ma vie en l'affection que Dieu m'a fait concevoir et que les faveurs receues de vostre mayson m'obligent d'avoir, pour vous honnorer avec un'invariable et extreme dilection. Ce papier ne vous est presenté que pour vous ramentevoir cette verité, puisque la suffisance du porteur m'excuse de vous entretenir davantage, et le peu de loysir que j'ay m'empesche de le pouvoir faire.
Madame, je vous regarde en esprit, et quoy que tousjours vous ayes tenu vostre cœur en Dieu, il m'est advis que maintenant il est encor plus entierement attaché a sa Bonté, n'ayant plus aucun objet avec luy, comme il n'en eut jamais sans luy, ni hors de luy. Vives ainsy, Madame, en cet estat auquel la condition de cette vie mortelle vous a reduit. Que bienheureuses sont les afflictions qui relevent et lancent nos affections en Celuy qui est le Pere de misericorde et le Dieu de toute consolation ( 2 Co 1,3 ) !
Je suis sans fin, Madame,
Vostre tres humble et fort fidele serviteur,
FRANçs, E. de Geneve.
30 aoust 1621.
A Madame
Madame la Presidente de Sautereau.
Revu sur J'Autographe conservé à Grenoble, à la Bibliothèque de la Ville (N° 739).
Chapter 81 of 221