Lettre MDCCCXXXVIII. À la Princesse de Piémont, Christine de France ( L9, Note 263 )

(INÉDITE)

Un neveu de François de Sales, page de Madame.- Délicate manière de remercier.

Annecy, 19 octobre 1621.

Madame,

Ce m'est un si grand honneur qu'il ayt pleu a Vostre Altesse Serenissime de commander que le filz de mon frere soit receu au nombre de ses pages , que je ne sçai comme former le tres humble remerciment que j'en doy a vostre bonté ; laquelle je supplie donq, en toute reverence, d'avoir aggreable qu'en lieu de tout autre tesmoignage de reconnoissance, je benisse Dieu de la douceur et debonaireté qu'il a donné au cœur de Vostre Altesse, Madame, pour le bonheur de vos serviteurs, et que, comme je suys infiniment tres-obligé de fayre, j'invoque journellement la divine Providence pour vostre prosperité,

Madame, demeurant invariablement

Vostre tres humble, tres fidele et tres-obeissant orateur et serviteur,

FRANçs, E. de Geneve.

Annessi, le 19 octobre 1621.

Revu sur l'Autographe conservé à la Visitation de Metz.

Fac-similé page suivante