Lettre MDCCCXLIII. À Madame de la Croix d'Autherln

(INÉDITE)

Souhait d'amour de Dieu. - Quelques nouvelles.

Annecy, 3 novembre 1621.

Sans un seul moment de loysir je vous escris ce mot, ma tres chere Fille, pour seulement saluer tres cherement et tres ardemment vostre cœur bienaymé, auquel je souhaite incessamment un perpetuel accroyssement de l'amour tressaint de nostre Dieu. Certes, je voudroys bien vous faire mention de ce que vous m'escrivites la derniere foys que vous pristes la peyne de me faire sçavoir de vos nouvelles ; mays il ny a pas moyen.

La chere seur de Cernex fut icy l'autre jour et me dit qu'elle y vouloit prendre mayson ; ce ne sera donq pas sans parler de vous. La Seur de Chatel est tous-jours elle mesme, bonne fille .

Or sus, Dieu qui a commencé en vous le bon œuvre de vostre salut l'achevera et parfaira selon sa tres bonne et tres aymable volonté ( Ph 1,6 ; 2,13 ) . Tenes vostre ame eslevee en sa souveraine Bonté; c'est le souhait invariable de

Vostre tres humble Pere et serviteur,

F., E. de Geneve.

A la premiere asseuree commodité je vous escriray derechef.

3 novembre 1621.

A Madame

Madame de la Croix d'Auturin.

Revu sur l'Autographe appartenant à Mme Boarelli di Verzuolo, à Saluces .