Lettre MDCCCXLIV. À Madame de Granieu

La règle des désirs. - Joie de l'Evêque d'avoir des nouvelles de Grenoble. - Les Sœurs de la Visitation en leur monastère. - Malades et " petite infirmière. "

Annecy, 3 novembre 1621.

Dieu sçait pourquoy il permet que tant de bons desirs ne reuscissent pas qu'avec tant de tems et tant de peyne, et que mesme quelquefois ilz ne reuscissent point tout a fait. Quand il n'y auroit aucun autre proffit que celuy de la mortification des ames qui l'ayment, ce seroit beaucoup. En somme, il faut ne vouloir point les choses mauvaises, vouloir peu les bonnes, et vouloir sans mesure le seul bien divin, qui est Dieu mesme.

Je sçai veritablement, ma tres chere Fille, que mes lettres vous sont aggreables ; car Nostre Seigneur, qui a voulu que mon ame fust toute vostre, me donne connoissance de ce qui se passe en vostre cœur par ce que je sens dans le mien. Il est vray, ma tres chere Fille, Grenoble est tous-jours en mon cœur ; et vous, ma tres chere Fille, au milieu de ce mesme Grenoble. Je suis donq bien consolé quand je sçai des nouvelles de cette ville-la, en ce tems auquel on en dit tant et de si diverses.

Beni soit Dieu qui conserve la personne du Roy, si chere a tout ce royaume et a toute l'Eglise. Nous faysons icy les prieres, et pour ses affaires militaires et pour les nostres.

Je suis bien ayse de la possession en laquelle nos Seurs sont de leur monastere , et vous aussi avec elles, puisque, par vostre assistence et de ces bonnes dames, les y ayant colloquees, vous y estes en leurs personnes, et elles y sont pour vous, qui, servant le mesme Seigneur en vostre pieuse vocation, estes un mesme esprit avec elles.

Et vous aves aussi esté une petite infirmiere, puisque vous aves eu tant de malades ces moys passés; et vous aves esté infirme de leur infirmité, car puisque c'estoyent mesme des personnes si cheres, comme monsieur vostre mary et vostre filz bienaymé , vous aves bien peu dire : Qui est infirme, que je ne sois infirme avec luy (2 Co 11,29 ) ? Dieu soit loüé, qui, par ces alternatives, nous conduit a la ferme et invariable tranquillité de l'eternel sejour.

Vives toute en Dieu, ma tres chere Fille, et aymés en luy

Vostre tres humble serviteur,

FRANçs, E. de Geneve.

Annessi, le 3 novembre 1621.