12. De laude det ex'ore iusde

HAR Ectos decet laudatio. HON Beatus qui omnia bona opera sua facit cum pura intentione: simpliciter ad laudem Dei. Beatus qui omni tempore cor suum ad beneplacitum Dei dirigit: et nullum proprium commodum finaliter quaerit. Beatus qui omnia immunda idola antiqui hostis a se longe proicit: et ad arma Christi crucifixi humiliter in angustiis confugit et orat. Hic bene procédit; et cum Iesu ubique per mare et aridam pergit: donec ad patriam cum eo perveniat. O Iesu dulce nomen super omnia nomina sanctorum in caelo et in terra: cui omne genu flectitur caelestium terrestrium et infernorum, angelorum et hominum. Tu via iustorum, gloria beatorum; spes egenorum, salus infirmorum: amator devotorum, et consolator omnium tribulatorum. Esto mihi adiutor et protector in omni necessitate: propter nomen sanctum tuum benedictum in saecula. Cum pauper fuero laudo te: cum tristis fuero laudo te. Cum laetus fuero laudo te: ubicumque fuero semper laudo te. Amen.