15. De aeternae vitae praemio promerendo

iei merces vestra multa est in caelo. j Omne gaudium praesens breve . est et heu multis malis involutum; regnum autem Dei gaudio semper plenum et aeternum: supra omnem sensum et intellectum elevatum. Hoc nullus tibi dare potest nec auferre; nisi solus Deus creator omnium, iudex vivorum et mortuorum: reddens singulis pro meritis operum suorum. Propter hoc regnum consequendum promerendum et aeternaliter possidendum: fortiter est certandum, laborandum, alacriter vigilandum, set ferventer orandum ; saepe ieiunandum, saepe gemendum, saepe lugendum, saepe confitendum, saepe communicandum: devote ministrandum, devote celebrandum; devote psallendum, diligenter studendum, stricte silendum, libenter serviendum, prompte oboediendum; patienter omne grave ferendum, omne carnale cito respuendum, omne saeculare ubique vitandum, omne turpe fugiendum, omne ishonestum sectandum, omne vitiosum odiendum, omne virtuosum amandum; omne curiosum amputandum, omne simplex et purum eligendum: omne terrenum relinquendum, omne caeleste et divinum summe amplectendum.

Haec est via vitae caelestis et formula renuntiationis saeculi in statu religionis: ducens parvulos mites et castos ad aeternae vitae beatitudinem, et gloriam sanctorum aeternaliter cum Christo perfruendam. Amen.

EXPLICIT LIBELLVLVS QVI DICITVR