13. De arta custodia cordis eroris

OG mundum crea in me Deus. Haec oratio valde utilis est et potens contra omne vitium dure temptans: et subito cordi irruens. Nil laboriosius et utilius quam custodire cor a vanis phantasiis: et os a verbis otiosis. Nil fructuosius quam spiritualibus vacare exercitiis; orando meditando, studendo psallendo: et caritatis opera libenter faciendo. Pauca verba sufficiunt ad necessitatem, longa texunt superfluitatem, levia inducunt vanitatem; curiosa important distractionem: dura excitant turbationem ; alta generant elationem: simplicia ostendunt humilitatem; vera parant iucunditatem: falsa provocant indignationem; bona merentur laudem; mala poenam: sancta vita aeternam gloriam. Bonus ergo custos cordis sui sollicite etiam custodit ostium oris sui: ne perdat gratiam devotionis interius per incuriam sermonis exterius.