Caput 18: De securitate exsequias eus celebrantium

EINDE cum ad sepulturam cantaretur Responsorium D Libera me Domine, visa est attentis precibus Domino supplicare pro omnibus Ybi praesentibus, et ejus exsequias celebrantibus, ne unquam experirentur aeternam mortem. Unde et super hoc a largitate divinae benignitatis, certam securitatem accipere meruit in promissis. Cum etiam Responsorium Regnum mundi cantaretur, ad illud verbum, quem vidi, cantabat et ipsa dicens: « Vere vidi eum in divinitate, quem toties in terris aspexi oculis intellectus, quem amayi totis viribus, in quem credidi toto corde, quem dilexi totis affectionibus meis. »

Et conversa ad Conventum ait: « Rogo vos omnes et moneo, quatenus hoc Responsorium libenter cantetis et legatis, quia Dominus Pater in hoc jucunditatur, Filius Dei salutatur, Spiritus Sanctus delectatur. Quare putatis quod Dominus per sororem Mechtildim? illud vobis legendum tradiderit, nisi quia tam inestimabili gaudio a vobis audire delectatur. » Hinc cum eidem etiam Responsorium Surge, virgo cantaretur, visa est coram Domino stare, velut regina decentissima ornata, et ruens in amplexum Domini, caput suum super cor ejus reclinabat. Cui Dominus; + Gaudium et deliciositas Cordis mei, omnia mea tua sunt; secundum desiderium tuum, omnes adstantes qui tuas peregerunt exsequias, in suis necessitatibus volo exaudire, et eis adstare. »