Lettre MCCCLIII. À la Mère Favre Supérieure de la Visitation de Lyon

Une baronne qui promettait de devenir une autre Mère de Chantal.- Sa mort douloureuse et sainte.

Annecy, 12 septembre 1617.

Vous vous imagineres bien de quelle sorte nous avons esté touchés ces jours passés, ma tres chere Fille. Ce n'est pas la madame de Thorens que vous aves veuë, quoy que celle-la fust fort aymable : c'est une madame de Thorens toute dediee a Dieu, toute relevee au desir de ne vivre qu'a Dieu, toute pleine de clarté es choses spirituelles et de la connaissance de Dieu et de soy mesme, et telle que l'on pouvait esperer que dans peu de tems elle serait une autre nostre Mere .

Je ne vous diray rien de sa fin tressainte; on vous l'escrira de chez nos Seurs. Entre ceux qui la virent en cette derniere maladie, il y en eut qui, le jour suivant, me vindrent demander congé de l'invoquer, et d'autres qui vindrent renouveller leurs bons propos, esmeus du spectacle de cette mort toute pleine de douleurs extremes, et douleurs toutes parsemees de : " VIVE JESUS ! Seigneur Jesus, tirés moy ( Ct 1,3 ) a vous. 0 Passion et Mort de mon Jesus, je vous embrasse, je vous ayme, je vous adore, vous estes mon esperance. VIVE JESUS et MARIE, que j'ayme plus que ma vie ! " et semblables, prononcés si suavement que merveilles.

Or sus, ma tres chere Fille, il m'a fait grand bien de vous dire ces quatre motz qui sont un eschantillon de la pieté de cette mort. Cette chere ame est trespassee Seur et Fille de la Visitation tout ensemble.

Je suis infiniment vostre.

FRANÇs, E. de Geneve.

Le 12 septembre....

Revu sur le texte inséré dans la Vie manuscrite de Marie-Aimée de Rabutin Chantal, haronne de Thorens,

conservée à la Visitation d'Annecy.