Lettre MCCCLXIV. À une Relig Ieuse

L'arbre de vie et la rosée qui le féconde. - Un désir qui sera sûrement satisfait.

Annecy, mai-octobre 1617 .

Ma tres chere Fille,

Il me semble, certes, que je le voy, ce Sauveur crucifié, au milieu de vostre ame comme un bel arbre de vie, qui, par les fleurs des bons desirs qu'il vous donne, vous promet les fruitz du divin amour qu'il produit ordinairement es lieux ou sont la rosee d'humilité, douceur et simplicité de cœur. Vives donq bien ainsy, ma tres chere Fille : ce sont mes vœux et mes souhaitz continuelz, comme vous cherissant d'une affection singuliere, et me confiant que reciproquement vous souspireres souvent devant sa divine misericorde pour l'amendement de mon cœur, dont je vous conjure ardemment, ma tres chere Fille.

Si je puis retourner a Saint André , ce sera de toute mon affection: vous aures vostre desir. Que si je ne puis, vous aures plus que vostre desir, puisque le bon Pere que j'ayme et honnore si cordialement , y fera cent fois mieux le service de nostre commun Maistre que moy.

FRANçs, E. de Geneve.