Lettre MCCCLXIX. À la Mère de Chantal

Béatitude des crucifiés. - Le testament de la baronne de Thorens. - Murmures faits au sujet d'un projet de mariage pour Françoise de Chantal.

Annecy, [15-31 octobre] 1617 .

Ma tres chere Mere,

Je ne puis m'empescher d'estre un peu en peyne de vostre tracas survenu si mal a propos; mais il faut estre constant et ferme aupres de la croix, et sur la croix mesme, s'il plait a Dieu de nous y mettre. Bienheureux sont les crucifies, car ilz seront glorifies.

J'ay cuyde connoistre que M. Colom venoit a double intention. Hier il me demanda comme ma seur avoit dispose, et je le luy dis franchement; et il tesmoigna de le treuver bon, hormis qu'il eust voulu que Mlle de Chantal eust eu les trois mille escus, ce dit-il. Je ne luy parlay point des mille escus de la legitime . Que s'il faut defendre au notaire de n'en rien monstrer, je vous prie d'en prendre la peyne, car je m'en vay dans demi heure au college .

Il me parla du mariage de M. de Foras en termes extremement extravagans, et me dit qu'il avoit charge de vous en par1er et a ma fille ; mais ces paroles procedent d'un mauvais fondement, car ilz croyent que l'on vous ayt fait la demande, et a Mlle de Chantal, pour qu'on veuille mespriser le consentement du frere et de l'oncle . Je dis que l'on n'avoit fait aucune demande, ains quelques significations par ci par la, lesquelles ne requeroyent point de responce, laquelle aussi on n'avoit point faite.

Soulagés-vous, ma tres chere Mere, au mieux qu'il se pourra. Je vous iray voir sans faillir. Dieu soit a jamais au milieu de nostre'cœur.

Amen.