Lettre MCCCLXXVII. À la Mère de Chantal

Un chant de joie du saint Evêque. - Ses souhaits pour lui-même et pour la destinataire.

Grenoble, 8 décembre 1617.

Au nom de la tressainte Trinité, trois paroles a ma tres chere Mere. Je suis allé tout gay comme un petit oyseau, dans ma chaire, ou j'ay chanté plus joyeusement que l'ordinaire a l'honneur de ce grand Dieu, qui a racheté ma vie de la mort , et qui me couronnera en sa misericorde et miserations ( Ps 102,4 ). Ouy, ma chere Fille, car saint Paul disoit bien a ses enfans : ma joye et ma couronne ( Ph 4,1 ) composee des misericordes divines. Soyons a jamais tout a Dieu, benissons son saint nom, et exaltons le throsne de son amour sacré dans nostre ame ; elle vivra jusques au siecle des siecles.

Dieu donq soit a jamais beni, qui nous console en toutes nos tribulations ( 2 Co 1,3 ). Dieu soit a jamais beni, et veuille de plus en plus establir l'esperance qu'il nous donne de la guerison de ma tres aymee Mere et Fille. Dieu soit beni, et me donne la grace de luy rendre quelque service icy, et par tout ou il luy plaira de m'appeller, sur tout en mon diocese, puisqu'il luy a pleu de m'en charger, et du costé duquel, ou que j'aille, mon cœur s'y tournera a tous momens.

La glorieuse Vierge soit a jamais honnoree, qui est nostre Dame et Reyne

de dilection ( Eccli 24,24 ). C'est aujourd'huy sa premiere feste, qui m'est signalee , et je viens de l'eglise des Peres Recolletz qui est dediee au mystere qui se celebre ( L7, note794 ).

0 Dieu, Sauveur de nostre ame, qui estes le jour de la clarté eternelle, donnés ce jour temporel et dix mille apres, bons et utiles, saintz et aggreables, a la Fille bienaymee qu'il vous a pleu rendre mienne et pretieuse a mon cœur comme moy mesme.

FRANÇS, E. de Geneve.

Jour de la Conception Nostre Dame, 1617.