Lettre MCMXXIII. Au Cardinal Alexandre Montalto

(MINUTE)

Pourquoi François de Sales trouve que sa présence au milieu des Pères Feuillants était inutile. - Election qui ne pouvait être meilleure. - Les traductions de D. Jean de Saint-François.

Turin, 21 juin 1622.

Monseigneur Illustrissime,

J'ay receu avec la tres-humble reverence que je doy, la lettre de Vostre Seigneurie Illustrissime, du vingtuniesme de may, laquelle m'a rencontré entierement et prompt et remply d'allegresse pour vous obeyr. Mais c'est la verité que j'ay esté tres-inutile aux Peres Fueillans ; car ils se sont comportez en leur Chapitre general avec tant de pieté, avec tant de paix, d'union et de tranquillité, que je n'ay eu aucune occasion de les servir, comme Vostre Seigneurie Illustrissime me commandoit et comme je le desirois ardamment.

Ils ont promeu à la charge de General un personnage si orné des lumieres d'erudition et de prudence, qu'ils ne pouvaient faire une meilleure eslection. Il a tres-bien merité de la saincte theologie ; car il a traduict beaucoup de livres de grec en latin, comme il se voit au second tome de sainct Gregaire de Nice (sic) . La traduction françoise qu'il a faicte de sainct Denys Areopagite, avec de tres-belles annotations, est cogneuë par tout le royaume . Il a escrit encore avec une merveilleuse eloquence et une singuliere clarté, pour la deffence de la saincte foy contre les heretiques de ce temps . Et pour ce, je ne doute point que ceste eslection ne soit tres-aggreable à Vostre Seigneurie Illustrissime, laquelle, pour ne point entretenir plus long-temps avec des termes mal polis et grossiers, je supplie de me permettre que, comme Elle m'a recommandé ceste Congregation, je la recommande semblablement avec une tres-profonde reverence à son affection et à sa tres-amoureuse charité.

Je vous baise tres-humblement les mains, et vous souhaitte du Ciel les felicitez que souhaitte pour soy-mesme,

Monseigneur Illustrissime,

Vostre tres-humble et tres-obeyssant serviteur,

FRANÇOIS, E. de Geneve.

De Turin, ce 21 de juin 1622.