Lettre MCMVIII. Au Prince de Piémont, Victor-Amédée

Nouvelle supplication pour Thonon et Rumilly.

Annecy, 25 avril 1622,

Monseigneur,

Le pauvre peuple de Rumilly attend tous-jours en bonne devotion la venue des Peres de l'Oratoire en leur ville, et moy j'attens de Vostre Altesse les expeditions necessaires pour les faire venir et la et a Tonon, ou c'est la verité que rien ne peut remedier au mal qui y est, quant au mauvais ordre qu'il y a en l'administration des biens, que par cette venüe de ces Peres . Vostre Altesse me pardonne si je luy suys aucunement importun; mon excuse est toute faite au commandement qu'elle m'a fait d'avoir le soin de cette affaire.

Et priant Dieu qu'il prospere de plus en plus la personne de Vostre Altesse,

Monseigneur, je demeure

Vostre tres humble, tres obeissant et tres fidele orateur et serviteur,

FRANçs, E. de Geneve.

25 avril 1622, Annessi.

Revu sur l'Autographe conservé à Turin, Archives de l'Etat.