40. Iesu mi dulcissime

Iesu mi dulcissime,
S24 spes et solamen animae,

da mihi te diligere
et extra te nil quaerere.

Maria, mater gratiae,
mater misericordiae,
tu nos ab hoste protege
et hora mortis suscipe.
Agnes, virgo mitissima
et Christo dilectissima,
pro tuis ora servulis,
ut floreant virtutibus.

O Maria Magdalena,
audi vota laude plena,

aput Christum locum istum

tuis commenda precibus.

O beata Katharina,
devota Christi famula,
per tua sacra merita
excusa nostra vitia.

Gloria tibi Domine

qui natus es de virgine,
cum Patre et sancto Spiritu
in sempiterna saecula.